செளந்தர்யா ரஜினி படத்தில் விஜய்

'சுல்தான் தி வாரியர்' என்ற அனிமேஷன் படம், 'கோவா' என்ற தமிழ்ப் படம் ஆகியவற்றைத் தயாரித்து வரும் செளந்தர்யா ரஜினிகாந்த், மேலும் பல படங்களைத் தயாரிக்க ஆர்வம் காட்டி வருகிறார்.

இதற்கிடையில் அண்மையில் வெளியாகி மாபெரும் வெற்றி பெற்ற 'சர்க்கஸ்' என்ற கன்னடப் படத்தைப் பார்த்த செளந்தர்யா, ஒரு பெரிய தொகையைக் கொடுத்து, அப்படத்தின் தமிழ் ரீமேக் உரிமையை வாங்கியிருக்கிறாராம். கணேஷ் என்பவர் கதாநாயகனாக நடித்திருக்கும் 'சர்க்கஸ்' படத்திற்கு, எந்தக் கன்னடப் படத்திற்கும் செய்யாத செலவைச் செய்து எடுத்திருக்கிறார்களாம். இதனாலே இப்படத்தைப் பார்த்த செளந்தர்யா. இதைத் தமிழில் மிக பிரமாண்டமாக எடுக்க முடிவு செய்திருக்கிறாராம்.

'கோவா' படத்தின் படப்பிடிப்பு முடிந்தவுடன் இப்படத்தின் படப்பிடிப்பைத் தொடங்கத் திட்டமிட்டுள்ள செளந்தர்யா, இதில் விஜய் அல்லது தனுஷ் இருவரில் ஒருவரை நடிக்க வைக்க முயன்று வருகிறாராம்